ابتعدوا_عن_السلبيه ..كلنا محتاجين دعم ….
المجامله وجبر الخاطر لغه ايجابيه وعبادة اسمها عبادة جبر الخواطر وتطيب النفس .
لو طُلب رأيك في شئ ما ….. لابد تكون ذوق وفاهم وتجاوب اجابه تسعد السأل ،
هو مش بيسألك عشان تبحث عن صغائر العيوب وتوضحها ..
السؤال مقصود به الدعم سواء نفسي او معنوي او حسي ولو ابتسامه..
الجبر .. الدعم .. عارف يعني ايه؟؟
يعني ايجابيه وثقه وقوة ،
مش مقصود وجه نظرك لكن المقصود كلمه طيبة فقط…
متكسرش فرحه القلب و الخواطر
انتقي الكلمات تعلم (فن الرد ) أجعله رائع ويليق بمدي سعادة من حولك
كلمات بسيطة ايجابيه تقوي العزيمه وتزيد الثقة في النفس ،
.. بلاش احباط وجلد للنفس .
ولو طلب رأيك في ذاته لازم اجابتك تكون فيها احترام للانسانيه….وإياكم وكسر الخواطر فهي أرواح تقهر لا ترمم …
حتي الهزار ف الحالات دي بيكون سخيف ويضعف ويجلب الحزن والانطفاء.
الكلمه ممكن تخلق عالم وممكن تكسر الف عزيمه ..
..الكلمه سلاح ذو حدين استخدمها ف الإيجابية وبلاش شحنات السلبيه الي بتشحن بها اي حد محتاج دعم.
حاول تكون مصدر قوة لمن حولك ..تكون شعاع مضيئ يهتدي به المحتاج ..
استخدم بعض الكلمات البسيطه مثل انت رائع انت قوي انت قادر انت ناجح انت طموح ….
هذة الكلمات قادرة ع تغيير مسار انسان والصعود به الي القمه….
اجتنبوا السلبيه
اجبروا الخواطر
كلنا محتاجين دعم.
بقلمي / sahar
