أسماء أدم : تكتب : “صيام الأطفال “

..**صيام الأطفال **

بقلم أسماء أدم

باحث دكتوراه رياض اطفال  

الطفوله المبكره

**صيام الأطفال **
أولا: لازم نعرف أن سن وجوب الصوم هو سن البلوغ وليس كالصلاه يتم التدريب من سبع سنوات والفرض من عشر سنوات لأن ذلك من المفاهيم الخاطئة شرعيًا وصحيًا عند بعض أولياء الأمور .
ثانيًا : حذارى من إجبار الطفل على الصيام بالعكس ده انا اشجعه وابنى عنده الحماس والدافعية ويكون متشوق انه يصوم ببعض التدريبات والاساليب البسيطة على سبيل المثال :
-الصيام لفترات بسيطه إلى الظهر مثلا والتدريج فى زياده فترة الصيام .
-الصيام مع عدم منع الشرب وده لأهميه الماء لأطفالنا .
– نقدم للطفل وجبه الفطار وتكون كامله العناصر الغذائية كأنها سحور بمعنى اننا نقدم له الفطار ومن بعدها يصوم للمغرب .
– أن الطفل يشوفنا ويسمع مننا فضل الصيام وان احنا مش بنمتنع عن الأكل والشرب فقط ده احنا نمتنع عن كل ما يغضب ربنا ماينفعش ابنى يشوفنى عصبي وبشتم وانا صايم مثلا.
– يساعدنا فتحضير وتجهيز الأكل للفطار.
-أشجعه مهما كان قصر الوقت الذى قام بصيامه واحكى وكلى فخر امام الأهل والأصدقاء ازاى حبيبى الشاطر قام بالصيام معانا اليوم .
– واخيرا نحن قدوه لأطفالنا فى اكتساب السلوك والعادات والقيم حافظ على صيامك صحيح بالصلاه وقراءه القرآن وحسن الخلق وعلى تربيه ابنك تربيه سليمه فى نفس الوقت .

لأن ببساطة ايه المكسب لينا كقائمين على تربيه الطفل من والدين ومربيين اننا نسبب بإجبارنا وحرمانا للطفل غير مشاعر سلبية وذم وكره لفريضه الصيام ده غير انه طبيعى ممكن يأكل ويشرب فالسر من ورانا وكده ابقى اديته اول خيط يعمل حاجه فالسر ويخبى عليه عايزين نبنى مش نهد وربنا يحفظ اولادنا جميعا ويفرح قلبنا بيهم دائما .